6

ന്യൂ​ഡ​ൽ​ഹി: ഇ​ൻ​സ്റ്റ​ഗ്രാ​മി​ന് നോ​ട്ടീ​സ് ന​ൽ​കി കേ​ന്ദ്ര ഐ​ടി മ​ന്ത്രാ​ല​യം. കു​ട്ടി​ക​ളെ ദു​രു​പ​യോ​ഗം ചെ​യ്യു​ന്ന​രീ​തി​യി​ൽ കീ​വേ​ർ​ഡു​ക​ൾ ഉ​പ​യോ​ഗി​ച്ചു​ള്ള പ​ര​സ്യ​ങ്ങ​ൾ ന​ൽ​കി​യ​തി​നാ​ണ് ന​ട​പ​ടി. ഏ​ഴ് ദി​വ​സ​ത്തി​ന​കം വി​ശ​ദീ​ക​ര​ണം ന​ൽ​ക​ണ​മെ​ന്നാ​ണ് നി​ർ​ദേ​ശം. രാ​ജ്യ​ത്തെ പോ​ക്സോ, ഐ​ടി നി​യ​മ​ങ്ങ​ൾ ലം​ഘി​ച്ച​തി​നാ​ണ് മെ​റ്റ ക​മ്പ​നി​യോ​ട് കേ​ന്ദ്ര സ​ർ​ക്കാ​ർ അ​ടി​യ​ന്ത​ര വി​ശ​ദീ​ക​ര​ണം തേ​ടി​യി​രി​ക്കു​ന്ന​ത്.

കേ​വ​ലം 99 രൂ​പ​യ്ക്ക് കു​ട്ടി​ക​ളു​ടെ പീ​ഡ​ന ദൃ​ശ്യ​ങ്ങ​ൾ വി​ൽ​ക്കു​ന്ന ടെ​ല​ഗ്രാം ചാ​ന​ലു​ക​ളി​ലേ​ക്കാ​ണ് ഈ ​കീ​വേ​ഡു​ക​ൾ വ​ഴി ഇ​ൻ​സ്റ്റ​ഗ്രാം ഉ​പ​യോ​ക്താ​ക്ക​ളെ എ​ത്തി​ച്ചി​രു​ന്ന​ത്. 'റേ​പ്പ് വീ​ഡി​യോ', 'ചൈ​ൽ​ഡ് വീ​ഡി​യോ' തു​ട​ങ്ങി​യ കീ​വേ​ർ​ഡു​ക​ൾ ഉ​പ​യോ​ഗി​ച്ചു​ള്ള പ​ര​സ്യ​ങ്ങ​ൾ​ക്ക് പോ​ലും ഇ​ൻ​സ്റ്റ​ഗ്രാ​മി​ന്‍റെ ഓ​ട്ടോ​മേ​റ്റ​ഡ് സം​വി​ധാ​നം അ​നു​മ​തി ന​ൽ​കി എ​ന്ന​ത് സു​ര​ക്ഷാ വീ​ഴ്ച​യു​ടെ ആ​ഴം കൂ​ട്ടു​ന്നു. ഉ​പ​യോ​ക്താ​ക്ക​ൾ പ​രാ​തി​പ്പെ​ട്ടി​ട്ടും ഈ ​പ​ര​സ്യ​ങ്ങ​ൾ നീ​ക്കം ചെ​യ്യാ​ൻ മെ​റ്റ ത​യാ​റാ​യി​ല്ലെ​ന്നും അ​ന്വേ​ഷ​ണ റി​പ്പോ​ർ​ട്ടി​ൽ പ​റ​യു​ന്നു.

ഇ​തോ​ടെ​യാ​ണ് കേ​ന്ദ്ര ഐ​ടി മ​ന്ത്രാ​ല​യം മെ​റ്റ​യ്ക്ക് ഏ​ഴ് ദി​വ​സ​ത്തെ സ​മ​യ​പ​രി​ധി നി​ശ്ച​യി​ച്ച​ത്. ഇ​ത്ത​രം ദൃ​ശ്യ​ങ്ങ​ൾ ഉ​ട​ന​ടി നീ​ക്കം ചെ​യ്യാ​ൻ കേ​ന്ദ്ര സ​ർ​ക്കാ​ർ മെ​റ്റ​യ്ക്ക് ഔ​ദ്യോ​ഗി​ക നി​ർ​ദേ​ശം ന​ൽ​കി. വീ​ഴ്ച വ​രു​ത്തി​യാ​ൽ ക​ടു​ത്ത ക്രി​മി​ന​ൽ ന​ട​പ​ടി​ക​ൾ നേ​രി​ടേ​ണ്ടി വ​രു​മെ​ന്ന മു​ന്ന​റി​യി​പ്പു​മു​ണ്ട്.

സാ​ധാ​ര​ണ​യാ​യി സോ​ഷ്യ​ൽ മീ​ഡി​യ ക​മ്പ​നി​ക​ൾ ഇ​ത്ത​രം ഉ​ള്ള​ട​ക്ക​ങ്ങ​ളു​ടെ പേ​രി​ൽ തേ​ർ​ഡ് പാ​ർ​ട്ടി പ്ര​തി​രോ​ധ വാ​ദ​മാ​ണ് ഉ​ന്ന​യി​ക്കാ​റു​ള്ള​ത്. എ​ന്നാ​ൽ ഇ​ത്ത​രം പ​ര​സ്യ​ങ്ങ​ൾ ന​ൽ​കി​യ​വ​രി​ൽ നി​ന്നും മെ​റ്റാ ക​മ്പ​നി പ​ണം കൈ​പ്പ​റ്റി​യ സാ​ഹ​ച​ര്യ​ത്തി​ൽ, അ​വ​ർ​ക്ക് സം​ര​ക്ഷ​ണം ല​ഭി​ക്കി​ല്ല.

ഈ ​ആ​ഴ്ച​യി​ൽ ത​ന്നെ മെ​റ്റ​യ്‌​ക്കെ​തി​രെ കേ​ന്ദ്ര സ​ർ​ക്കാ​ർ എ​ടു​ക്കു​ന്ന ര​ണ്ടാ​മ​ത്തെ ശ​ക്ത​മാ​യ ന​ട​പ​ടി​യാ​ണി​ത്. വാ​ട്‌​സ്ആ​പ്പി​ൽ ഫോ​ൺ ന​മ്പ​റു​ക​ൾ മ​റ​ച്ചു​വെ​ച്ച് 'യൂ​സ​ർ​നെ​യിം' മാ​ത്രം ന​ൽ​കാ​നു​ള്ള മെ​റ്റ​യു​ടെ പു​തി​യ ഫീ​ച്ച​ർ വ്യാ​പ​ക​മാ​യ സാ​മ്പ​ത്തി​ക ത​ട്ടി​പ്പു​ക​ൾ​ക്കും വ്യാ​ജ​രേ​ഖ ച​മ​യ്ക്ക​ലു​ക​ൾ​ക്കും കാ​ര​ണ​മാ​കു​മെ​ന്ന് ചൂ​ണ്ടി​ക്കാ​ട്ടി കേ​ന്ദ്രം നേ​ര​ത്തെ വാ​ട്സാ​പ്പി​നും നോ​ട്ടീ​സ് അ​യ​ച്ചി​രു​ന്നു.

അ​ന്താ​രാ​ഷ്ട്ര മാ​ധ്യ​മ​മാ​യ ബി​ബി​സി​യാ​ണ് ഇ​ൻ​സ്റ്റ​ഗ്രാ​മി​ലെ ഗു​രു​ത​ര വീ​ഴ്ച പു​റ​ത്തു​വി​ട്ട​ത്. ഇ​ൻ​സ്റ്റ​ഗ്രാം കു​ട്ടി​ക​ൾ​ക്കെ​തി​രെ​യു​ള്ള ലൈം​ഗി​ക അ​തി​ക്ര​മ ദൃ​ശ്യ​ങ്ങ​ൾ പ്ര​ച​രി​പ്പി​ക്കു​ന്ന വേ​ദി​യാ​യെ​ന്ന റി​പ്പോ​ർ​ട്ടു​ക​ൾ പു​റ​ത്തു​വ​ന്ന​തി​ന് പി​ന്നാ​ലെ സോ​ഷ്യ​ൽ മീ​ഡി​യ ഭീ​മ​നാ​യ മെ​റ്റ​ക്കെ​തി​രെ ക​ർ​ശ​ന ന​ട​പ​ടി​യി​ലേ​ക്കാ​ണ് കേ​ന്ദ്ര ഐ​ടി മ​ന്ത്രാ​ല​യം ക​ട​ന്നി​രി​ക്കു​ന്ന​ത്. പ​ണം വാ​ങ്ങി ഇ​ത്ത​രം ദൃ​ശ്യ​ങ്ങ​ൾ വി​ൽ​പ​ന ന​ട​ത്തു​ന്ന ക്രി​മി​ന​ൽ സം​ഘ​ങ്ങ​ൾ​ക്ക് ഇ​ൻ​സ്റ്റ​ഗ്രാം പ​ര​സ്യം ന​ൽ​കാ​ൻ സൗ​ക​ര്യം ഒ​രു​ക്കി​യെ​ന്നാ​ണ് ബി​ബി​സി അ​ന്വേ​ഷ​ണ​ത്തി​ൽ ക​ണ്ടെ​ത്തി​യ​ത്.